Cozinas

Creyemos que ros muebles d’antismás yeran millors.

Totas as nuestras cozinas s’amparan en un diseño bien prexinato e detalles de fustería chenuíns. Emplegamos materials d’alta calidá e saludables, creyando muebles ta durar e adautarsen a ros amenisters d’os nuestros cliéns, chunto con os que determinamos os esferéns estilos e materials e personalizamos cada aspeuto d’o diseño.

Esplora as nuestras colezións de cozinas ta vier cuala, u qué combinazión d’ellas, s’achusta más a o vuestro estilo.

Senzia

A polideza de ra fusta natural, a calidez d’as suyas vetas e o exerzizio de simplizidá d’iste diseño fan una o ozión bien pincha, elegán e atemporal que creya un espazio acullidor en casa vuestra.

A zerzeneta de ra gola, funzional e chenuina, que femos nusatros mesmos, presienta unas linias reutas que definen o diseño con gran equilibrio. Tamién podemos meter a zerzeneta de caxico, u mesmo, si deseyas adubir sensazión encara más minimalista, puez eslexir os frens con obredura push, sinde zerzenetas.

Frens e costaus pueden estar-se de chapa de caxico natural u con esferéns ozións de tintaus.

Aneto

As marcatas línias verticals d’iste diseño d’orichen chaponés l’adotan de muitisma eleganzia e atemporalidá. Una cozina de chapa de fusta natural ye a ozión más chenuina e polida, e iste, ye o nuestro diseño con más carauter e personalidá.

A zerzeneta de caxico mazizo e ros tablers con chapa de caxico natural zertificatos, que pueden estar-sen en tons naturals u teñius.

Lamín

Lamín ye a nuestra colezión más minimialista e dinamica. Una cozina unica e funzional que te’n leva ta ro frescor escandinavo.

Os frens e costaus de lamín pueden fer-se en esferéns colors en lacau u laminaus, asinas como chugar con esferéns partis de fusta u, mesmo, en combinazión con atros estilos. Por ixemplo dixando ros muebles alteros en una color d’as nuestras ozións de lamín dintro d’una cozina d’as nuestras colezións de fusta, ta adubir una espresión unica e totalmén personalizata.

Ye ro nuestro modelo más dinamico.

Nieu

Cuan a simplizidá d’as linias se fusiona con o diseño escandinavo se plega ta una mestura elegán, sucherén e atemporal de formas cheometricas, linias e superfizies.

Os plans suaves e mate d’o linolio gosan d’estar-sen continos e combinatos armonicamén con fusta de caxico natural en esferéns partis, creyando una sensazión senzilla e elegán de diseño escandinavo que resultar unica en cada proyeuto.

O linolio, disposable en varias colors, ye un material calido, mate e con asabelo de suaveza e lixeramén testurizato, que s’obtiene dende l’olio de linosa mesturato con polvo de fusta e rasinas naturals. Ye antibacteriano e ye, sin dandaliar, o nuestro material más sano e ecolochico ta ra cozina.

Ozións

Disposamos d’una variedá de tintes e colors ta totas as nuestras colezións, e istas pueden fer chuego entre sí ta reyalizar un mueble totalmén personalizato.

Equipamento

Ufrimos enzimeras, fregaderos, canillas e eleutrodomesticos d’os prenzipals proveyedors d’o mercau. Belunas d’as interpresas con as que treballamos son Bora, Siemens, Bosch, Balay, Franke, Cosentino, Neolith, etz.

VEYER PROYEUTOS