artesán
Caxico ye un estudio e fustería creyato por David Lorenz con a intizión de creyar casas más saludables por meyo d’os suyos muebles e cozinas.
David estió buena parti d’a suya nineza en o taller d’o suyo lolo, que yera ferrero. Astí, esperimentaba perén con os materials d’o taller creyándose os suyos propios chuguetes.
Estió an replecó a valura d’un produto artesán.
O suyo lolo gosaba dir que cuan un treballo yera masiau “perfeuto” caleba fer-le-ne bel estrazio con o mallo, bella chicorrona siñal que indicara que no ye un produto industrial sino unico.
A cultura chaponesa tien bien d’integrato ro conzeuto. Sapen que ra verdadera polideza no ye en a perfeuzión porque ra perfezión no en ye en a naturaleza.
Creyen que ros ochetos polius son feitos de materials naturals, e as suyas chicorronas crebazas e singularidaz se veyen como carauters unicos que furnen d’esmo e eszezionalidá a ra pieza.
Con os años, David estudió enchiniería en diseño de produto e, chunto a l’atro, fustería, rematando a suya formazión en Noruega. Finalmén creyó Caxico ta fer, como aprendió d’o suyo lolo, produtos unicos. E ye David, qui ye perén dezaga de cada proyeuto.
Aragonés
Charramos aragonés porque creyemos que ye ra nuestra cultura e as nuestras radizes.
L’aragonés estió ra luenga d’o nuestro reino en tota ra Edá Meya, pero se fue tresbatindo en as redoladas an se charraba, dica plegar a ue que nomás s’ascuita en as carreras de bels puestos d’o Pirineo Aragonés.
Nusatros queremos mantenir vivo l’aragonés, queremos fer-lo servir. Creyemos que en istos intes de globalizazión ye asabelo d’importán conservar a cultura de cada lugar, que en ye o que nos fa unicos.
L’aragonés ye a nuestra luenga e queremos charrar-la ie.
Filosofía
Creyemos que ros muebles d’antismás yeran millors. Que no podemos ixublidar o legau de sieglos de conoixenzia d’a fusta e ra ebanistería, e somos convenzius de respetar tot ixe aprendizache.
Determinamos que cuan ubramos un almario queremos veyerlo calido, sacando ros modulos prefabricaus, os plasticos o ros kits de calaixos d’aluminio.
Queremos fusta.
E femos servir perén tablers zertificaus con baxa emisión de formaldehído, porque queremos aduyar a creyar casas an vivir en armonía.
Determinimanos de preszindir tamién de grans botigas d’esposizión por os costos que conleva, asumindo a era teunolochica en a que i somos e dixando como punto de referenzia e trobada o nuestro estudio d’o Pirineo. Asinas, podemos conzentrar-nos en cosirar de traza personal o prozeso completo e mantenir preus competituis.
O estudio
Tenemos un chiquet pero cudiau e poliu espazio d’esposizión e diseño en Samianigo, coneutato con a fustería, an podemos conoixer-nos e amostrar-tos as nuestras colezións.
Cuan diseñamos de conchunta con o nuestro clién final tenemos ra mingala de conoixer os suyos deseyos e amenisters. Rechiramos un espazio ta cozinas nomás o nos cuaca de charrar arredol d’una mesa cuan femos borinas con amigos? Ye aquí an emplegaremos o portatil tanimientras chitamos un café? Son ixas as custions que nos levarán a creyar un diseño personalizau ta cada proyeuto.
Si querez saper cómo podemos fer que casa vuestra siga un espazio más calido e acullidor tos convidamos a emplir o formulario e meter-nos en contauto.
Tanto si soz en a redolada como si no, podremos conzertar una zita online u presenzial en o estudio e conoixer os vuestros amenisters e deseyos ta proposar-tos un diseño.
