Salú e sostenibilidá
O nuestro ochetivo ye d’aduyar a creyar casas más polidas e saludables.
Interiors
Seguntes a Organización Mundial d’a Salú (OMS) l’aire d’as casas ye dica zinco vegadas más contaminato que ro d’as carreras. E seguntes l’Achenzia de Protezión Ambiental d’Estaus Unius (EPA) más d’o 70% d’a esposizión a quimicos que sofren as presonas ye produzita en os interiors.
A metá de l’aire contaminato que alentamos lo femos dende as nuestras cambras, cozinas, u ro salón. E promana d’os muebles, o sulero, as pinturas de ras paretes e os materials de construzión.
Istos components cheneran compuestos organicos volatils (COVs), como ro formaldehído en o causo d’os muebles, en tota ra suya vida útil, e alentar-los tiene, a largo plazo, importáns efeutos negativos en a salú.
Hogar saludable
Nos guía ro compormís de creyar casas más saludables por meyo d’os nuestros muebles.
Esleximos os materials más sostenibles e saludables que son en a nuestra man ta creyar con els os nuestros muebles e cozinas.
Pos ixo emplegamos fusta maziza e tablers zertificatos con baixa emisión de formaldehído, escusando tamién l’emplego de plasticos.
O nuestro ochetivo ye de creyar impauto positivo en a traza de cómo vivimos e como nos sentimos en casa nuestra.
Os nuestros materials
Caxico
O caxico nos enluzerna. Somos embelecatos d’a suya estetica igual como amáns tanto d’o diseño escandinavo como d’as pulidas linias d’o chaponés -ixe mezclayo clamato
scandi-.
Ubrir un almario e i trobar caxico natural ye una esperenzia. Atorga ra calidez que teneban ros muebles d’antis. Por ixo emplegamos caxico u chapa natural de caxico en cuasi toz os nuestros muebles.
Tablers
Emplegamos varios tipos de tablers seguntes as ozións e os amenisters.
Nos cuaca ro contrachapato de chopo ta ros interiors. Ro chopo ye un d’os arbols de más templau creiximién en Europa por o que istos tablers sucan más cantidá de CO2 d’a que cheneran en o suyo ziclo de vida.
Ta os nuestros frens rematatos en chapa de caxico natural emplegamos un tabler mdf BIO d’o que i somos muito argüellosos. Ye un produto de zaguera chenerazión creyato dende rebús d’a fusta d’a sarra que no se ligan medián colas artifizials (causans d’a emisión de formaldehído) sino con apegallo 100% d’orichen natural obtenito d’o propio árbol. Ye un tabler con etiqueta NAF (no added formaldehyde), que sinifica que tien o mesmo libel d’emisión que ra fusta maziza.
Tamién ufrimos ozións de laminatos ta ros interiors e ros rematatos de beluns d’os nuestros models por a suya mayor azesibilidá. Perén mantenindo a calidá e con tablers zerfiticatos con siellos CARB2 u E05 que guarenzian a salú en as casas.
Acabatos
Os acabatos d’os nuestros muebles se fan u con berniz sinde disolvéns e con base d’augua, u con olios de nueva chenerazión 0% COV (sinde emisións en a casa), seguntes d’o proyeuto e ra triga d’o clién, guarenziando perén un produto ro más inocuo posible en equilibrio con una altera resistenzia e perduranzia.
Sellos d’os nuestros material
